അരുൺ മാമൻ ആത്മ ചെയർമാൻ

കൊച്ചി: ഓട്ടോമോട്ടീവ് ടയർ മാനുഫാക്ച്ചറേഴ്സ് അസോസിയേഷൻ (ആത്മ) ചെയർമാനായി എം ആർ എഫ് ലിമിറ്റഡ് വൈസ് ചെയർമാനും മാനേജിംഗ് ഡയറക്ടറുമായ അരുൺ മാമൻ തെരഞ്ഞെടുക്കപ്പെട്ടു. ബ്രിഡ്ജ്സ്റ്റോൺ ഇന്ത്യ മാനേജിംഗ് ഡയറക്ടർ ഹിരോഷി യോഷിസെയ്ൻ ആണ് വൈസ് ചെയർമാൻ.

മദ്രാസ് ക്രിസ്ത്യൻ കോളേജിൽ നിന്ന് ബിരുദം പൂർത്തിയാക്കിയ അരുൺ മാമൻ യു എസിലെ ആഷ്‌ലാൻഡ് സർവകലാശാലയിൽ നിന്ന് എം ബി എ ബിരുദം നേടി. 2004 ലാണ് അരുൺ മാമൻ എം ആർ എഫ് മാനേജിംഗ് ഡയറക്ടറാകുന്നത്. 2017 ൽ വൈസ് ചെയർമാനും എം ഡിയുമായി. ക്രിക്കറ്റും മോട്ടോർ സ്പോർട്ടുകളും ഏറെ ഇഷ്ടപ്പെടുന്ന അരുൺ മാമൻ ആത്മയുടെ സുവർണ ജൂബിലി വർഷത്തിലാണ് ചെയർമാനായി ചുമതലയേൽക്കുന്നത്.

കൂടുതൽ അംഗങ്ങളെ ചേർത്ത് ആത്മയുടെ പ്രവർത്തനം ശക്തിപ്പെടുത്തുമെന്ന് അരുൺ മാമൻ അറിയിച്ചു. ഇന്ത്യൻ ടയർ വ്യവസായത്തെ ആഗോള വിതരണ രംഗത്തെ അതികായരാക്കി മാറ്റുമെന്നും ടയർ വ്യവസായത്തെ കൂടുതൽ മത്സരാധിഷ്ഠിതവും സാങ്കേതിക മേന്മയുള്ളതുമാക്കി മാറ്റുമെന്നും അരുൺ മാമൻ പറഞ്ഞു.

200,000 ഹെക്ടർ തോട്ടം എന്ന ലക്ഷ്യത്തിലേക്കായി ഇൻറോഡ് പ്രോജക്റ്റ് വ്യാവസായികാടിസ് സ്ഥാനത്തിൽ തന്നെ അടുത്ത രണ്ട് വർഷത്തിനുള്ളിൽ പൂർത്തിയാക്കും. അടുത്ത അഞ്ച് വർഷത്തിനുള്ളിൽ, ടയർ മേഖലയിലെ ഗുണനിലവാരവും പരിശീലനവും നവീകരിക്കുന്നതിൽ ശ്രദ്ധ കേന്ദ്രീകരിക്കുമെന്നും അരുൺ മാമൻ കൂട്ടിച്ചേർത്തു.